TMUda raqamli iqtisodiyotda intellektual mulk bo‘yicha mehmon ma’ruza bo‘lib o‘tdi
Tashkent Metropolitan University amaliyotga yo‘naltirilgan yuridik ta’limni rivojlantirishni davom ettirib, Ulugbek Abdullayev, Dentons Uzbekistan hamkori ishtirokida maxsus mehmon ma’ruzasini tashkil etdi.
2026-yil 1-aprel kuni bo‘lib o‘tgan ushbu tadbirda yuridik fakultetining 2-bosqich talabalari zamonaviy tijorat va raqamli iqtisodiyot sharoitida intellektual mulk masalalarini muhokama qildilar.
Ma’ruza davomida intellektual mulkning zamonaviy iqtisodiyotdagi strategik ahamiyati yoritildi. Ulugbek Abdullayev nazariy bilimlar bilan bir qatorda, intellektual mulk huquqlarining biznes va innovatsion faoliyatdagi amaliy qo‘llanilishi haqida ham batafsil ma’lumot berdi.
Talabalar intellektual mulkning asosiy turlari — tovar belgilari, mualliflik huquqi, patentlar va tijorat sirlari bilan tanishdilar. Shuningdek, O‘zbekistonda intellektual mulkni ro‘yxatdan o‘tkazish va himoya qilish tartiblari, mavjud huquqiy mexanizmlar ko‘rib chiqildi.
Ma’ruzaning muhim qismi intellektual mulkni tijoratlashtirish — litsenziyalash, huquqlarni o‘tkazish va franchayzing orqali amalga oshirilishi masalalariga bag‘ishlandi. Talabalar ushbu vositalarning biznesni kengaytirish va aktivlardan daromad olishdagi o‘rnini tushundilar.
Shuningdek, IT kompaniyalar va startaplar uchun intellektual mulkni himoya qilish, ayniqsa raqamli muhitdagi muammolar tahlil qilindi. Amaliy кейslar orqali talabalar nizolarni hal etish, huquqlarni himoya qilish va sud amaliyoti bilan tanishdilar.
Bundan tashqari, intellektual mulk sohasidagi so‘nggi tendensiyalar va amaliyotlar ham ko‘rib chiqildi, bu esa talabalarga dolzarb bilimlar berdi.
Tadbir ma’ruza va кейс muhokamasi formatida o‘tkazilib, talabalarni faol ishtirok etishga va tanqidiy fikrlashga undadi. Mazkur ma’ruzada qatnashish 2-bosqich talabalari uchun majburiy bo‘lib, Tashkent Metropolitan Universityning amaliy bilimlarni ta’lim jarayoniga integratsiya qilishga bo‘lgan intilishini aks ettiradi.
Bunday tashabbuslar orqali Tashkent Metropolitan University akademik bilimlar va professional amaliyot o‘rtasidagi tafovutni kamaytirib, kelajak huquqshunoslarini raqamli iqtisodiyot sharoitida samarali faoliyat yuritishga tayyorlamoqda.
